ეს კურსი შექმნილია მათთვის, ვისაც სურს UI/UX დიზაინის შესწავლა ნულიდან — მარტივად, სტრუქტურირებულად და პრაქტიკულ პროექტებზე დაფუძნებით, იმ დონემდე, სადაც უკვე შეძლებთ ვებსაიტებისა და მობილური აპლიკაციების დიზაინის დამოუკიდებლად შექმნას.​

 

სწავლას დაიწყებთ საფუძვლებიდან — გაიგებთ რა არის UI და UX დიზაინი, რა განსხვავებაა მათ შორის და როგორ მუშაობს დიზაინი რეალურ პროდუქტებში. კურსის განმავლობაში იმუშავებთ რეალურ პროექტზე, რაც დაგეხმარებათ ცოდნის პრაქტიკაში გადატანაში.​

 

გაიცნობთ Adobe XD-ს და შეისწავლით მის გამოყენებას სრულად — ბრიფთან მუშაობიდან დაწყებული, wireframe-ების შექმნით, დიზაინის აწყობით და საბოლოო პროტოტიპირებით დასრულებული.​

​

ისწავლით როგორ სწორად დაგეგმოთ ვებსაიტისა და აპლიკაციის სტრუქტურა, როგორ გამოიყენოთ ბადეები (grid), ზომები და კომპონენტები, როგორ იმუშაოთ ფერებზე, ტექსტებზე, აიქონებზე და UI ელემენტებზე (ღილაკები, მენიუები, footer და სხვა).​

 

კურსის განმავლობაში შექმნით სრულ დიზაინს: გვერდებს, ნავიგაციას, pop-up ელემენტებს და დაამუშავებთ დეტალებს, რომლებიც ქმნის მომხმარებლის გამოცდილებას — მიკრო ინტერაქციებს, ანიმაციებს და გამოყენებადობას.​

 

ისწავლით პროტოტიპირებას, ტესტირებას მობილურზე, დიზაინის გაზიარებას და იმას, როგორ გადააქციოთ იდეა სრულფასოვან, გასაგებ და ფუნქციურ პროდუქტად.​

 

ასევე გაეცნობით პლაგინებს, ავტომატიზაციის ხელსაწყოებს და იმ ხრიკებს, რომლებიც მნიშვნელოვნად დაგიზოგავთ დროს და გაგიმარტივებთ მუშაობას.​

 

ეს კურსი იდეალურია თუ:

• არასდროს გიმუშავიათ UI/UX დიზაინში;

• გინდათ შექმნათ ვებსაიტებისა და აპლიკაციების დიზაინი;

• გქონდათ მცდელობა, მაგრამ პროგრამა ან პროცესი რთულად მოგეჩვენათ;

• გინდათ შექმნათ საკუთარი პროექტი ან დაიწყოთ კარიერა დიზაინში​

 

არ არის საჭირო წინასწარი გამოცდილება — საკმარისია კომპიუტერის საბაზისო ცოდნა. დანარჩენს კურსის განმავლობაში ეტაპობრივად და პრაქტიკულად ისწავლით.​

 

ამ კურსის მიზანია, რომ UI/UX დიზაინი თქვენთვის გახდეს არა რთული თეორია, არამედ პრაქტიკული უნარი, რომლის საშუალებითაც შეძლებთ მომხმარებელზე ორიენტირებული, თანამედროვე და პროფესიონალური ციფრული პროდუქტების შექმნას.